ᐃᑲᔪᕆᐊᕐᓂᕐᒧᑦ ᐃᓕᓐᓂᐊᕈᑦ ᐋᖅᑭᓱᖅᑕᐅᓯᒪᔪᖅ ᑭᐅᔾᔪᑎᒋᓪᓗᒍ ᓄᓇᕕᒻᒥ ᑲᑎᒪᔨᓄᑦ ᐋᓐᓂᐊᖅᑐᓕᕆᓂᕐᒧᑦ ᐃᓄᓕᕆᓂᕐᒧᓪᓗ (NRBHSS) ᐊᒻᒪᓗ ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᒃᑯᓐᓄᑦ ᑖᒃᑯᐊ ᐃᖅᑲᓇᐃᔮᖃᕐᐸᒻᒪᑕ ᐃᓅᓯᕐᒥᒃ ᑭᐱᓯᖃᑦᑕᖁᔨᙱᓂᕐᒧᑦ ᓄᓇᕕᒻᒥ/ᓄᓇᕗᒻᒥᓗ ᐅᔾᔨᕈᓱᑦᑐᑎᒃ ᓄᓇᓖᑦ ᐃᑉᐱᒍᓱᒋᐊᖃᕐᓂᖏᓐᓂᒃ ᐊᑐᕋᔅᓴᖃᑦᑎᐊᕐᓂᖏᓐᓂᒃ ᑲᒪᒋᔭᖃᖃᑦᑕᓂᕐᒧᑦ ᐊᑲᐅᙱᓕᐅᕈᑕᐅᑎᓪᓗᒍ ᐃᓅᓯᕐᒥᒃ ᑭᐱᓯᖃᑦᑕᕐᓂᖅ.
ᐃᑲᔪᕆᐊᕐᓂᕐᒧᑦ ᐃᓕᓐᓂᐊᕐᓂᖅ ᐅᓪᓘᑉ−ᓇᑉᐸᖓᓂᒃ ᐃᓕᓐᓂᐊᕈᑎᐅᒻᒪᑦ ᐃᑉᐱᒍᓱᒍᑕᐅᒋᐊᒃᑲᓐᓂᓲᖑᒻᒪᑦ ᓄᓇᓕᐅᔪᖅ ᐅᐸᓗᖓᐃᕐᓯᒪᒋᐊᔅᓴᖓᓂᒃ ᐃᓚᒋᔭᐅᖃᑦᑕᕈᓐᓇᓂᕐᒧᑦ ᐃᓅᓯᕐᒥᒃ ᑭᐱᓯᖃᑦᑕᖁᔨᙱᓂᕐᒧᑦ ᖃᓄᖅᑑᕈᑕᐅᕙᑦᑐᓂᑦ. ᐃᓕᓐᓂᐊᓂᕐᒥ ᐊᑐᖃᑦᑕᓂᐊᖅᑐᑦ ᐃᓱᒪᕐᓱᑎᐊᕐᓗᑎᒃ ᐊᒻᒪᓗ ᐅᖃᐅᓯᖃᖃᑦᑕᓂᕐᒥᒃ, ᒪᒥᓴᕐᓂᓚᑦᑖᕐᒥ ᐃᓕᓐᓂᐊᖏᒃᑲᓗᐊᕐᓗᑎᒃ.
ᐱᔾᔪᑎᖏᑦ:
- ᐃᑲᔪᕆᐊᕐᓂᖅ ᑭᓇᑐᐃᓐᓇᕐᒥᒃ ᐊᔅᓱᕈᖅᑐᒥᒃ (ᑐᑭᓯᓗᒍ ᐃᓄᒃ ᖃᓄᖅ ᐃᓱᒪᖃᕐᒪᖔᖅ; ᖃᐅᔨᓇᓱᓪᓗᑎᑦ ᑭᓱᒥᒃ ᐅᔾᔨᕈᓱᒋᐊᖃᕐᒪᖔᕐᐱᑦ; ᐊᐱᕆᓗᒍ ᐃᓱᒪᖃᕐᒪᖔᖅ ᐃᓅᓯᕐᒥᓂᒃ ᑭᐱᓯᒍᒪᒋᐊᔅᓴᖅ ᐊᐱᕐᓱᖅᑖᓗᒋᙱᓪᓗᒍ; ᓈᓚᓪᓗᒍ ᐊᑐᕐᓗᑎᑦ ᐊᑑᑎᓕᓐᓂᑦ ᐱᐅᓯᖃᕐᕕᒋᓗᒍ).
- ᑐᕌᖅᑎᓪᓗᒍ ᑖᓐᓇ ᐃᑲᔪᕈᓐᓇᖅᑐᓄᑦ (ᐅᔾᔨᕈᓱᓕᕐᓂᐊᕐᖓᑦ ᐃᑲᔪᕈᓐᓇᖅᑐᓂᑦ ᐅᖃᕐᕕᔅᓴᓂᑦ; ᑎᓕᐅᕐᓗᒍ ᕿᓄᖃᑦᑕᖁᓗᒍ ᐃᑲᔪᖅᑕᐅᒍᒪᓕᕋᐃᑉᐸᑦ ᐅᕝᕙᓘᓐᓃᑦ ᐊᖏᕐᓯᒪᖃᑦᑕᕐᓗᓂ ᐃᑲᔪᖅᑕᐅᔪᒪᒐᐃᑉᐸᑦ).
- ᐊᑦᑕᓇᖅᑐᒦᑦᑕᐃᓕᓗᑎᑦ (ᖃᐅᔨᒪᓗᑎᑦ ᖃᓄᐃᓕᐅᕆᐊᖃᕐᒪᖔᕐᐱᑦ ᑖᓐᓇ ᐃᓄᒃ ᐊᑦᑕᓇᖅᑐᒦᑦᑕᐅᑎᒋᑉᐸᑦ; ᖃᐅᔨᒪᓗᑎᑦ ᑭᓪᓕᖏᓐᓂᒃ; ᓇᒻᒥᓂᖅ ᑲᒪᒋᑦᑎᐊᕐᓗᑎᑦ ᐱᔭᕆᐊᑐᔪᒃᑰᑎᓪᓗᑎᑦ).
ᑭᓇᒧᑦ ᑐᕌᖓᒻᒪᑦ ᐃᓕᓐᓂᐊᕈᑎᔅᓴᖅ?
ᐃᓕᓐᓂᐊᕈᑦ ᑐᕌᖓᔪᖅ ᑭᓇᑐᐃᓐᓇᕐᒧᑦ ᐊᑲᐅᒋᔭᖃᕐᓂᕐᓴᐅᒍᒪᔪᒧᑦ, ᓇᓗᖅᑯᑎᙱᒍᒪᔪᒧᑦ, ᐊᒻᒪᓗ ᑲᒪᒋᔭᖃᕈᓐᓇᕈᒪᔪᒧᑦ ᐃᓱᒫᓗᓇᖅᑐᒦᑦᑕᐅᑎᒋᔪᒥᒃ ᐃᓅᓯᕐᒥᒃ ᑭᐱᓯᒍᒪᒐᔭᕆᐊᔅᓴᖅ. ᖃᑦᑏᓐᓇᐅᓂᕐᐹᕆᔪᓐᓇᖅᑕᖏᑦ ᐃᓚᒋᔭᐅᔪᓐᓇᖅᑐᑦ ᐅᑭᐅᓖᑦ 15ᓂᑦ.
ᐊᑯᓂᐅᑎᒋᓂᖓ:
4 ᐃᑲᕐᕋᑦ
ᐅᖃᐅᓰᑦ:
ᖃᓪᓗᓈᑎᑐᑦ (ᑐᓵᔨᔅᓴᖅᑕᓕᒃ)
ᐃᓕᓐᓂᐊᖃᑕᐅᒐᔭᖅᑐᑦ:
ᖃᑦᑏᓐᓇᐅᓂᕐᐹᕆᓗᒋᑦ 10-20 ᐃᓕᓐᓂᐊᖅᑐᑦ (ᑭᓇᑐᐃᓐᓇᖅ 15 ᐅᖓᑖᓂ ᐅᑭᐅᓕᒃ)
ᐊᑭᖓ:
ᐊᑭᖃᙱᑦᑐᖅ
ᐃᓕᓐᓂᐊᑎᑦᑎᔪᑦ ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᑦ
ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᒃᑯᓐᓂᑦ ᓇᓗᓇᐃᒃᑯᑕᓖᑦ ᐃᓕᓴᐃᔩᑦ
More Training Opportunities
ᐊᑐᖅᑕᐅᕙᑦᑐᓂᑦ ᐃᓅᓯᕐᒥᒃ ᑭᐱᓯᔭᕆᐊᔅᓴᖅ ᐃᓱᒪᔪᓂᑦ ᐃᑲᔫᑎᐅᕙᑦᑐᓂᑦ ᐃᓕᓐᓂᐊᑎᑦᑎᓂᖅ
ASIST is a crisis intervention training developed by Living Works, with the goal of equipping participants to respond competently to individuals at risk of suicide.
ᐃᓅᓯᖅ ᐱᒻᒪᕆᐅᔪᖅ
Inuusiq Pimmariujuq is a comprehensive community strategic planning tool, combining post-contact Inuit history with a workshop aimed at developing a community action plan for suicide prevention and life affirmation.
ᐃᑉᐱᒍᓱᑦᑎᐊᓂᕐᒥᒃ ᐃᓕᓐᓂᐊᕐᓂᖅ
Mindfulness is a half-day workshop designed to meet the needs of mental health practitioners, educators, and other helping professionals who want to incorporate mindfulness skills into their work.