ᑐᑭᓯᓂᖅ ᐱᐅᓯᕆᒐᔪᑦᑕᖏᓐᓂᒃ ᖃᕋᓴᐅᑉ ᐃᑲᔫᑎᖃᓲᖑᒻᒪᑦ ᑐᑭᓯᑦᑎᐊᕈᓐᓇᓂᕐᒥᒃ ᑭᓇᑐᐃᓐᓇᐅᑉ ᐱᐅᓯᕆᕙᑦᑕᖓᓂᒃ. ᑕᐃᒫᓪᓗ, ᑕᐃᒫᒃ ᑐᑭᓯᐅᒪᓂᖅ ᐃᑲᔫᑎᖃᓲᖑᕗᖅ ᐋᖅᑭᒋᐊᕈᑎᖃᕐᓂᕐᒥᒃ ᐅᑉᐱᕆᔭᑦᑎᓐᓂᒃ ᐅᕝᕙᓘᓐᓃᑦ ᐃᓚᐃᓐᓈᕈᑎᒋᕙᑦᑕᑎᓐᓂᒃ ᑭᓇᑐᐃᓐᓇᐅᑉ ᒥᔅᓴᓄᑦ, ᐊᒻᒪᓗ ᓇᓪᓕᒍᓱᖔᕈᓐᓇᕐᓯᓲᖑᓪᓗᑕ, ᕿᓄᐃᓵᕐᕕᖃᕈᓐᓇᕐᓯᓲᖑᓪᓗᑕ ᐊᒻᒪᓗ ᓇᓕᐊᓐᓄᑐᐃᓐᓇᖅ ᐋᖅᑭᓯᒪᔪᓐᓇᕐᓯᓲᖑᓪᓗᑕ. ᐊᐱᕐᓱᕈᑎᒋᔪᓐᓇᕐᓯᓲᕗᑦ ᒪᑯᓂᖓ ᓲᕐᓗ ᐅᓇᑭᐊᕐᖓᐃ ᓱᔪᖅ?”; “ᑭᓱᒥᐅᓇᑭᐊᕐᖓᐃ ᐱᓗᖅᑯᑎᖃᖅᑐᓂ ᑕᐃᒪᐃᑦᑎᐊᒻᒪᕆᓕᕆᕙ?”; “ᖃᓄᑭᐊᕐᖓᐃ ᐃᑲᔪᕈᓐᓇᖅᑲᕋ ᖃᓄᖅᑑᕈᓐᓇᖁᓪᓗᒍ ᐃᑉᐱᓐᓂᐊᒋᔭᖓᓂᒃ ᑲᒪᒋᔭᖃᕈᓐᓇᓂᐊᕐᖓᑦ?” ᑕᒪᒃᑯᐊ ᐊᐱᖅᑯᑏᑦ ᑐᙵᕕᐅᕙᒻᒪᑕ ᐅᖁᒪᐃᑦᑐᒃᑰᕐᓯᒪᔪᓂᑦ−ᑐᑭᓯᐅᒪᓪᓗᓂ ᐱᓕᕆᔾᔪᓯᐅᓲᓂᑦ; ᑖᓐᓇ ᐃᓕᓐᓂᐊᕈᑦ ᐊᖅᑯᑎᒋᓪᓗᒍ, ᑐᑭᓯᓂᐊᖅᑐᓯ ᖃᓄᖅ ᐱᓕᕆᖃᑎᖃᓲᖑᒻᒪᖔᕐᓯ ᐊᓯᔅᓯᓐᓄᑦ ᐊᔾᔨᒋᙱᑕᖓᓂᒃ ᑕᑯᑎᑕᐅᓗᓯ ᐃᓕᔅᓯ ᑕᑯᓐᓈᕈᓯᖓᓂᒃ.
In addition to learning about trauma-informed practice, this course will provide basic information about responding to gender-based violence, including the particularities of gender-based violence in Nunavut, how to respond to a survivor, what kinds of resources are available to survivors, and information regarding human trafficking.
ᐃᓕᓐᓂᐊᓂᕐᒧᑦ ᐱᔾᔪᑏᑦ
ᐃᓕᓐᓂᐊᖅᑐᑦ ᑐᑭᓯᐅᒪᓕᕐᓂᐊᖅᑐᑦ ᖃᓄᖅ ᐊᑑᑎᓂᖃᓲᖑᒻᒪᖔᑕ ᐅᖁᒪᐃᑦᑐᒃᑰᕈᑕᐅᔪᑦ, ᖃᓄᖅ ᑕᒪᒃᑯᐊ ᐊᑑᑎᓂᖏᑦ ᓴᖅᑭᓲᖑᒻᒪᖔᑕ ᐱᐅᓯᕆᕙᑦᑕᖏᑎᒍᑦ, ᐊᒻᒪᓗ ᖃᓄᖅ ᑲᒪᒋᔭᐅᒋᐊᖃᓲᖑᒻᒪᖔᑕ ᐅᖁᒪᐃᑦᑐᒃᑰᕐᓯᒪᔪᓂᑦ−ᑐᑭᓯᐅᒪᓕᖅᑐᓂ. ᐃᓕᓐᓂᐊᕈᑎᐅᑉ ᐃᓱᐊᓂ, ᐃᓕᓐᓂᐊᖃᑕᐅᔪᑦ ᐊᑐᕈᓐᓇᕐᓯᓂᐊᖅᑐᑦ ᑐᑭᓯᐅᒪᔾᔪᑎᔅᓴᓂᑦ ᐃᓕᖅᑲᐅᔭᖏᓐᓂᒃ ᐃᒫᒃ:
- ᑐᑭᓯᔪᓐᓇᕐᓯᓗᑎᒃ ᐊᑐᖅᑕᐅᖃᑦᑕᕐᓂᖏᓐᓂᒃ ᐅᖁᒪᐃᑦᑐᒃᑰᕈᑕᐅᓲᑦ
- ᑐᑭᓯᔪᓐᓇᕐᓯᓗᑎᒃ ᐅᔾᔨᕐᓇᕈᑎᖏᓐᓂᒃ ᐅᖁᒪᐃᑦᑐᒃᑰᖅᑐᑦ ᐊᒻᒪᓗ ᐅᖁᒪᐃᓪᓕᐅᖅᑐᓂᑦ ᐱᐅᓯᕆᔭᐅᕙᑦᑐᓂᑦ
- ᐃᑲᔪᕈᓐᓇᕐᓯᓗᑎᒃ ᓇᒻᒥᓂᖅ ᑲᒪᒋᔭᖃᕈᓐᓇᓂᐊᕐᖓᑕ ᓂᕈᐊᕈᓐᓇᓂᐊᕐᖓᑕᓗ ᓈᒻᒪᖏᑦᑐᒥᒃ ᐃᖅᑲᖅᑐᐃᒍᑎᖃᑐᐃᓐᓇᖏᓪᓗᑎᒃ
- ᐸᓚᕐᓯᑎᑦᑎᓗᑎᒃ/ᐊᑐᙱᓂᕐᓴᐅᓕᕐᓗᑎᒃ ᐱᓇᐃᓗᑕᐅᕙᑦᑐᓂᑦ ᐃᑲᔪᕐᓱᐃᖔᕐᓂᐊᕐᖓᑕ ᓈᒻᒪᑦᑐᒥᒃ, ᐊᑐᕋᔅᓴᐅᔪᓂᑦ ᐊᒻᒪᓗ ᐃᓚᒋᓕᐅᔾᔨᓂᕐᒥᒃ ᓇᒥᑐᐃᓐᓇᐅᒐᓗᐊᖅᑲᑦ
- ᐊᐅᓪᓗᔾᔨᔪᓐᓇᕐᓯᓗᑎᒃ ᓇᒻᒥᓂᖅ, ᐃᓚᒌᓪᓗ ᓄᓇᖅᑲᑎᒌᓪᓗ ᐱᔪᓐᓇᕐᓂᖏᓐᓂᒃ (ᓴᙱᓂᖏᓐᓂᒃ)
ᐃᖅᑲᐅᒪᓂᐊᖅᑯᓯ: ᐃᒫᒃ ᐊᑐᖃᑦᑕᖁᔭᐅᓂᐊᖅᑑᒐᓗᐊᑦ ᐃᓕᓐᓂᐊᖅᑐᑦ ᓄᖅᑲᖓᑲᐃᓐᓇᖃᑦᑕᕐᓗᑎᒃ, ᐱᔾᔪᑎᒋᓪᓗᒍ ᐃᓕᓐᓂᐊᕈᑏᑦ ᐃᑉᐱᓐᓂᐊᒋᔭᖏᓐᓄᑦ ᐊᔅᓱᕈᕐᓇᕐᖓᑕ ᐊᒻᒪᓗ/ᐅᕝᕙᓘᓐᓃᑦ ᐃᖅᑲᐃᒍᑕᐅᔪᓐᓇᕐᖓᑕ.