ᐅᖃᖃᑎᒌᓪᓗᒃ! (Talk About It!) ᓄᓇᕗᒥ ᐊᑐᖅᑕᐅᕙᑦᑐᖅ ᐃᓕᓐᓂᐊᑎᑦᑎᖃᑦᑕᓂᕐᒧᑦ ASIST, ᒪᕐᕉᓐᓂᒃ−ᐅᓪᓘᓐᓂᒃ ᐃᓕᓐᓂᐊᑎᑦᑎᒍᑕᐅᕙᑦᑐᖅ ᑖᒃᑯᓇᙵᑦ ᐃᓅᓯᖅ ᐊᑑᑎᓕᒃ ᐃᓕᓐᓂᐊᑎᑦᑎᔨᓂᑦ Living Works Education (www.livingworks.net). ᐃᓕᓐᓂᐊᑎᑦᑎᒍᑕᐅᕙᑦᑐᖅ ᐋᖅᑭᓱᕐᓯᒪᔪᖅ ᐊᒥᓲᙱᑦᑐᓂᑦ ᑲᑎᒪᑎᑦᑎᓪᓗᑎᒃ ᐅᖃᖃᑎᖃᖃᑦᑕᓂᕐᒥᒃ ᐊᒻᒪᓗ ᐱᓕᒻᒪᔅᓴᐃᖃᑦᑕᓂᕐᒥᒃ ᒪᓕᑦᑐᕙᒋᑦ ᐃᓐᓇᕐᓂᑦ ᐃᓕᓐᓂᐊᑎᑦᑎᓂᕐᒧᑦ ᑐᙵᕕᐅᕙᑦᑐᑦ. ᐃᓚᒋᔭᐅᕙᑦᑐᑦ ᐃᓕᓐᓂᐊᓲᑦ ᖃᓄᖅ ᐃᓕᓴᕐᓯᔪᓐᓇᕐᒪᖔᑕ ᖃᐅᔨᒪᔾᔪᑎᔅᓴᓂᑦ ᐃᓅᓯᕐᒥᒃ ᑭᐱᓯᔭᕆᐊᔅᓴᖅ ᐃᓱᒪᖃᖅᑐᓂᑦ ᐱᐅᓯᕆᔭᐅᓲᓂᑦ ᐊᒻᒪᓗ ᖃᓄᖅ ᐅᖃᖃᑎᖃᕈᓐᓇᕐᒪᖔᑕ ᑭᒃᑯᑐᐃᓐᓇᕐᓂᑦ ᐃᓱᒪᒋᔭᖃᖅᑐᓂᑦ ᓇᒻᒥᓂᖅ ᐅᓇᒻᒥᒋᔪᓂᑦ ᐃᓅᓯᕐᒥᒃ ᑭᐱᓯᔭᕆᐊᔅᓴᖅ. ᐃᓕᓐᓂᐊᖅᑐᑦ ᐱᔪᓐᓇᕐᓯᑎᑕᐅᓲᑦ ᐊᑲᐅᒋᔭᖃᕐᓗᑎᒃ ᐃᑲᔪᕆᐊᕈᓐᓇᓂᕐᒥᒃ ᐊᒻᒪᓗ ᖃᓄᖅ ᐊᑦᑕᓇᙱᑦᑐᒦᑎᑦᑎᔪᓐᓇᕐᒪᖔᑕ ᐸᕐᓇᐅᓯᐅᖅᑐᑎᒃ ᐅᕝᕙᓘᓐᓃᑦ ᑲᓲᑎᑎᑦᑐᒋᑦ ᐃᑲᔪᖅᑕᐅᕕᒋᒃᑲᓐᓂᕈᓐᓇᖅᑕᖏᓐᓄᑦ.
ᖃᓄᖅ ᐊᔾᔨᐅᖏᓐᓂᖃᖅᑲ ᑖᓐᓇ ᐃᓕᓐᓂᐊᕈᑦ?
ᐃᑉᐱᓐᓇᓗᐊᕐᓂᖓ ᐱᔾᔪᑎᒋᓪᓗᒍ ᑖᓐᓇ ᐱᔾᔪᑕᐅᔪᖅ ᐊᒻᒪᓗ ᐊᒥᓱᐊᓗᐃᑦ ᖁᐊᕐᓵᓇᖅᑐᒃᑰᖃᑦᑕᓲᖑᓂᖏᓐᓄᑦ ᐃᓅᓯᕐᒥᒃ ᑭᐱᓯᕙᑦᑐᑦ ᐱᔾᔪᑎᒋᓪᓗᒋᑦ ᓄᓇᕗᒥ, ᐃᓕᓴᐃᔾᔪᑕᐅᕙᑦᑐᑦ ᐋᖅᑭᓱᖅᑕᐅᓯᒪᔪᑦ ᓄᓇᖓᓐᓄᑦ ᓈᒻᒪᑎᕐᓯᒪᓪᓗᒍ. ᐆᑦᑑᑎᒋᓪᓗᒍ, ᐃᓕᓴᐃᒍᑕᐅᕙᑦᑐᑦ ᑕᕐᕆᔮᔅᓴᑦ ᑕᑯᓐᓇᕋᔅᓴᓕᐊᖑᓯᒪᔪᑦ ᐃᖃᓗᓐᓂ ᐊᒻᒪᓗ ᐋᖅᑭᓱᕐᓯᒪᓪᓗᒋᑦ ᑐᑭᖃᕆᐊᖅᑐᒋᑦ ᓄᓇᕗᒻᒥᐅᓄᑦ ᑐᕌᖓᓪᓗᑎᒃ. ᑕᐃᒫᒃ ᐃᑉᐱᓐᓇᓪᓚᕆᑦᑐᓂᑦ ᐃᓕᓐᓂᐊᕈᑎᖃᓲᑦ ᐃᓕᓐᓂᐊᐸᑦᑐᑦ. ᐊᒻᒪᓗᑦᑕᐅᖅ, ᑖᒃᑯᐊ ᐃᓕᓐᓂᐊᕈᑎᔅᓴᐃᑦ ᑐᑭᓕᐅᖅᑕᐅᓯᒪᓪᓗᑎᒃ ᐃᓄᒃᑎᑑᖓᓕᖅᑎᑕᐅᓯᒪᓪᓗᑎᒃ, ᐊᒻᒪᓗ ᐱᓕᕆᓪᓗᑕ ᐃᓕᓐᓂᐊᑎᑦᑎᑲᓐᓂᖃᑦᑕᕐᓂᐊᕋᑦᑕ ᐊᒥᓱᒃᑲᓂᕐᓂᑦ ᓄᓇᖓᓐᓂ ᐃᓕᓐᓂᐊᑎᑦᑎᔨᐅᖃᑦᑕᓂᐊᖅᑐᓂᑦ.
ᑭᓇᒧᑦ ᑐᕌᖓᒻᒪᑦ ᐃᓕᓐᓂᐊᕈᑎᔅᓴᖅ?
ᐃᓕᓐᓂᐊᕈᑦ ᑭᓇᑐᐃᓐᓇᕐᒧᑦ ᑐᕌᖓᔪᖅ ᐊᑲᐅᒋᔭᖃᕐᓂᕐᓴᐅᖁᓪᓗᒋᑦ, ᓇᓗᖅᑯᑎᖃᑦᑕᖁᓇᒋᑦ, ᐊᒻᒪᓗ ᐱᔪᓐᓇᕐᓂᖃᕆᐊᔅᓴᖅ ᐃᑉᐱᒍᓱᖁᓪᓗᒋᑦ ᓄᖅᑲᖓᑎᑦᑎᔪᓐᓇᓂᕐᒥᒃ ᐃᓅᓯᕐᒥᒃ ᑭᐱᓯᑐᐃᓐᓇᕆᐊᓕᓐᓂ. ᖃᑦᑏᓐᓇᐅᓂᕐᐹᕆᔪᓐᓇᖅᑕᖏᑦ ᐅᑭᐅᓖᑦ ᐃᓕᓐᓂᐊᖃᑕᐅᓂᕐᒧᑦ 16ᓂᑦ ᐅᑭᐅᓖᑦ.
ᐊᑯᓂᐅᑎᒋᓂᖓ:
ᒪᕐᕉᒃ ᐅᓪᓘᒃ
ᐅᖃᐅᓰᑦ:
ᖃᓪᓗᓈᑎᑐᑦ ᐃᓄᒃᑎᑐᓪᓗ
ᐃᓕᓐᓂᐊᖃᑕᐅᒐᔭᖅᑐᑦ:
ᖃᑦᑏᓐᓇᐅᓂᕐᐹᕆᓗᒋᑦ 8 ᐃᓕᓐᓂᐊᖅᑐᑦ (ᑭᓇᑐᐃᓐᓇᖅ ᐅᑭᐅᓕᒃ 16 ᐅᖓᑖᓂ)
ᐊᑭᖓ:
ᐊᑭᖃᙱᑦᑐᖅ
ᐃᓕᓐᓂᐊᖃᑕᐅᒋᑦ ᐃᓅᓕᑦᓯᔪᓐᓇᓂᕐᒥᒃ!
ᐃᓕᓐᓂᐊᑎᑦᑎᔪᑦ ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᑦ
ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᒃᑯᓐᓂᑦ ᓇᓗᓇᐃᒃᑯᑕᓖᑦ ᐃᓕᓴᐃᔩᑦ
More Training Opportunities
ᐃᓅᓯᖅ ᐱᒻᒪᕆᐅᔪᖅ
Inuusiq Pimmariujuq is a comprehensive community strategic planning tool, combining post-contact Inuit history with a workshop aimed at developing a community action plan for suicide prevention and life affirmation.
ᐃᑉᐱᒍᓱᑦᑎᐊᓂᕐᒥᒃ ᐃᓕᓐᓂᐊᕐᓂᖅ
Mindfulness is a half-day workshop designed to meet the needs of mental health practitioners, educators, and other helping professionals who want to incorporate mindfulness skills into their work.
ᐃᑲᔪᕆᐊᕐᓂᖅ
Reach Out is a workshop that aims to help community members learn skills that will enable them to assist individuals at risk of suicide.