ᐃᑉᐱᒍᓱᑦᑎᐊᕐᓂᖅ ᐅᓪᓘᑉ−ᓇᑉᐸᖓᓂᒃ ᐃᓕᓐᓂᐊᕈᑎᐅᒻᒪᑦ ᐋᖅᑭᓱᖅᑕᐅᓯᒪᔪᖅ ᐊᑑᑎᖃᖁᓪᓗᒍ ᐃᑲᔪᖅᑕᐅᔾᔪᑎᒋᒋᐊᓕᖏᓐᓄᑦ ᐃᓱᒪᓕᕆᔨᐅᕙᑦᑐᑦ, ᐃᓕᓴᐃᔩᑦ, ᐊᒻᒪᓗ ᐊᓯᖏᑦ ᐃᖅᑲᓇᐃᔮᖃᓪᓗᐊᑕᕐᐸᑦᑐᑦ ᐃᓚᓕᐅᔾᔨᒍᒪᔪᓄᑦ ᐃᑉᐱᒍᓱᑦᑎᐊᓂᕐᒨᖓᔪᓂᑦ ᐃᖅᑲᓇᐃᔮᖏᓐᓄᑦ. ᐱᓕᕆᔾᔪᑎᔅᓴᖅᑕᖃᓗᐊᖅᑐᑦ ᐊᑐᖅᑕᐅᔪᓐᓇᖅᑐᓂᑦ ᓇᒻᒥᓂᖅ ᐅᕝᕙᓘᓐᓃᑦ ᐃᑲᔪᕐᐸᑦᑕᖏᓐᓄᑦ ᐊᒻᒪᓗ ᐃᓕᓐᓂᐊᖅᑎᓄᑦ ᐃᑲᔪᕐᓗᒋᑦ ᐊᑐᕐᓂᐊᕐᖓᑕ ᐃᑉᐱᒍᓱᑦᑎᐊᓂᕐᒥᒃ ᐊᒻᒪᓗ ᐃᓚᓕᐅᑎᓯᒪᔪᓐᓇᕐᓗᒍ ᐃᓅᓯᕆᕙᑦᑕᖏᓐᓄᑦ ᖃᐅᑕᒫᑦ.
ᖃᓄᖅ ᐊᔾᔨᐅᖏᓐᓂᖃᖅᑲ ᑖᓐᓇ ᐃᓕᓐᓂᐊᕈᑦ?
ᐃᑉᐱᒍᓱᑦᑎᐊᕐᓂᖅ ᐱᐅᓯᕆᔭᐅᓲᖅ ᑭᓇᑐᐃᓐᓇᖅ ᐃᑉᐱᒍᓱᓕᖁᓪᓗᒍ ᒫᓐᓇ ᓇᔪᖅᑕᖓᓂ ᖃᓄᑐᐃᓐᓇᖅ ᐃᖅᑲᖅᑐᐃᓂᖅᑕᖃᙱᓪᓗᓂ ᐅᕝᕙᓘᓐᓃᑦ ᖃᐅᔨᓴᕐᓂᖅᑕᖃᙱᓪᓗᓂ. ᐃᑉᐱᒍᓱᑦᑎᐊᕐᓂᖅ ᑕᐃᒪᙵᓂᑐᖄᓗᒃ ᐊᑐᖅᑕᐅᖃᑦᑕᕐᓯᒪᔪᖅ ᐅᑉᐱᕆᔭᓕᓐᓂᒃ Buddhismᒥᒃ ᖃᐅᔨᓴᖅᑐᓕᕆᔨᑎᒍᑦ ᖃᐅᔨᔭᐅᓯᒪᓪᓗᓂ ᐊᑑᑎᖃᕈᓐᓇᕐᓂᖓᓂᒃ ᓈᒻᒪᑦᑐᒥᒃ ᑭᓇᑐᐃᓐᓇᐅᑉ ᐃᓅᓯᖓᓄᑦ ᐃᓱᒪᖓᓄᓪᓗ, ᐃᓚᒋᔭᐅᓪᓗᓂ ᐃᓚᖃᑦᑎᐊᕈᓐᓇᓂᕐᓴᐅᓂᖏᓐᓄᑦ ᐃᖅᑲᓇᐃᔮᖏᓐᓂ, ᓄᓇᖅᑲᑎᖏᓐᓂ, ᐃᓚᖏᓐᓂᓪᓗ. ᐱᔾᔪᑎᒋᓪᓗᒍ ᑕᒪᓐᓇ ᖃᐅᔨᔭᐅᓯᒪᔪᖅ, ᐃᑉᐱᒍᓱᑦᑎᐊᓂᕐᒥᒃ ᐃᓕᓐᓂᐊᕐᓂᖅ ᐊᑐᖅᑕᐅᒐᔪᔅᓯᓯᒪᔪᖅ 2100ᖏᓐᓂ ᐊᕐᕌᒍᓂᑦ ᐊᒻᒪᓗ ᐃᓕᓐᓂᐊᑎᑦᑎᒍᑕᐅᕙᑦᑐᑎᒃ ᐊᒥᓱᓂᑦ ᐊᔾᔨᒌᙱᑦᑐᓂᑦ ᐋᖅᑭᓯᒪᓂᐅᕙᑦᑐᓂᑦ. ᑕᕝᕙᓂ ᐃᓕᓐᓂᐊᓂᕐᒥ ᐃᓕᓐᓂᐊᖅᑐᑦ ᐃᓕᓐᓂᐊᖃᑦᑕᓂᐊᖅᑐᑦ ᖃᓄᖅ ᐃᑉᐱᒍᓱᑦᑎᐊᕐᓂᖅ ᑐᑭᖃᕐᒪᖔᖅ, ᖃᓄᖅ ᐃᓚᓕᐅᑎᔭᔅᓴᐅᒻᒪᖔᖅ ᐃᖅᑲᓇᐃᔮᖏᓐᓄᑦ. ᐃᓕᓐᓂᐊᖅᑐᑦ ᐃᓕᓐᓂᐊᖃᑦᑕᓂᐊᖅᑐᑦ ᐃᑉᐱᒍᓱᑦᑎᐊᓂᕐᒥ ᐱᐅᓯᕆᔭᐅᓗᐊᓲᓂᑦ ᐊᒻᒪᓗᑦᑕᐅᖅ ᓇᒻᒥᓂᖅ ᑲᒪᓗᑎᒃ ᐱᓪᓚᑦᑖᓂᑦ ᑐᑭᒧᐊᒍᑕᐅᔪᓐᓇᖅᑐᓂᑦ ᐱᓕᕆᓂᐅᓲᓂᓪᓗ.
ᐃᓕᓐᓂᐊᓂᕐᒥ ᐱᓕᕆᓂᐅᕙᑦᑐᖅ ᐊᑐᖅᑕᐅᕙᑦᑐᓪᓗ:
ᑖᓐᓇ ᐱᓕᕆᖃᑎᒌᒍᑎᐅᓪᓗᓂ ᐃᓕᓐᓂᐊᕈᑦ ᐃᓕᓐᓂᐊᕈᑕᐅᓲᖅ ᐃᓕᓐᓂᐊᑎᑦᑎᒍᑕᐅᕙᑦᑐᓂᑦ ᐊᒥᓲᙱᑦᑐᓂᑦ ᐊᒥᓱᓂᓪᓗ ᑲᑎᒻᒪᔪᓂᑦ ᐅᖃᖃᑎᒌᒍᑕᐅᕙᑦᑐᓂ. ᐃᓕᓐᓂᐊᖅᑐᑦ ᑐᓂᓯᐅᖅᑲᖅᑕᐅᓲᑦ ᐃᓕᓐᓂᐊᕈᑎᖏᓐᓄᑦ ᐃᑲᔫᑎᖃᕐᓂᐊᖅᑐᓂᑦ.
ᐊᑯᓂᐅᑎᒋᓂᖓ:
4 ᐃᑲᕐᕋᑦ
ᐅᖃᐅᓰᑦ:
ᖃᓪᓗᓈᑎᑐᑦ (ᑐᓵᔨᔅᓴᖅᑕᓕᒃ)
ᐃᓕᓐᓂᐊᖃᑕᐅᒐᔭᖅᑐᑦ:
ᖃᑦᑏᓐᓇᐅᓂᕐᐹᕆᓗᒋᑦ 10-20 ᐃᓕᓐᓂᐊᖅᑐᑦ
ᐊᑭᖓ:
ᐊᑭᖃᙱᑦᑐᖅ
ᐊᑐᖅᑕᐅᔭᕆᐊᓖᑦ: ᐊᑲᐅᔪᑦ ᐊᓐᓄᕌᑦ. ᐃᖃᐃᓕᓴᕐᕕᓐᓂᑦ ᐊᓪᓕᕋᕐᓂᑦ ᐊᑐᖁᔨᒐᔭᖅᑐᑦ
ᐃᓕᓐᓂᐊᑎᑦᑎᔪᑦ ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᑦ
ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᒃᑯᓐᓂᑦ ᓇᓗᓇᐃᒃᑯᑕᓖᑦ ᐃᓕᓴᐃᔩᑦ
More Training Opportunities
ᐊᑐᖅᑕᐅᕙᑦᑐᓂᑦ ᐃᓅᓯᕐᒥᒃ ᑭᐱᓯᔭᕆᐊᔅᓴᖅ ᐃᓱᒪᔪᓂᑦ ᐃᑲᔫᑎᐅᕙᑦᑐᓂᑦ ᐃᓕᓐᓂᐊᑎᑦᑎᓂᖅ
ASIST is a crisis intervention training developed by Living Works, with the goal of equipping participants to respond competently to individuals at risk of suicide.
ᐃᓅᓯᖅ ᐱᒻᒪᕆᐅᔪᖅ
Inuusiq Pimmariujuq is a comprehensive community strategic planning tool, combining post-contact Inuit history with a workshop aimed at developing a community action plan for suicide prevention and life affirmation.
ᐃᑲᔪᕆᐊᕐᓂᖅ
Reach Out is a workshop that aims to help community members learn skills that will enable them to assist individuals at risk of suicide.