ᐃᓅᓱᑦᑐᑦ ᓇᒻᒥᓂᖅ−ᐋᓐᓂᐸᑦᑐᑦ ᐅᓪᓘᑉ−ᓇᑉᐸᖓᓂᒃ ᐃᓕᓐᓂᐊᕈᑕᐅᓲᖅ ᐋᖅᑭᓱᖅᑕᐅᓯᒪᓪᓗᓂ ᓄᓇᕗᒻᒥᐅᓂᑦ ᓄᓇᕗᒻᒥᐅᓄᑦ ᑐᕌᖓᓪᓗᓂ ᑐᑭᓯᐅᒪᖁᔨᓪᓗᑎᒃ ᑭᓱᑦ ᐱᔾᔪᑕᐅᖃᑦᑕᓲᖑᒻᒪᖔᑕ ᐃᓅᓱᑦᑐᓄᑦ ᓇᒻᒥᓂᖅ−ᐋᓐᓂᖃᑦᑕᓂᕐᒧᑦ ᐊᒻᒪᓗ ᐊᑑᑎᓕᓐᓂᑦ ᑐᑭᒧᐊᒍᑎᔅᓴᖃᖁᓪᓗᒋᑦ ᐱᓕᕆᖃᑎᖃᕐᓂᕐᒧᑦ ᓇᒻᒥᓂᖅ−ᐋᓐᓂᐸᑦᑐᓂᑦ ᐃᓅᓱᑦᑐᓂᑦ. ᐃᓕᓐᓂᐊᖅᑐᑦ ᖃᓄᑐᐃᓐᓇᖅ ᐅᐸᓗᖓᐃᔭᖅᑳᕆᐊᑐᙱᑦᑐᑦ ᐃᓕᓐᓂᐊᖃᑕᐅᓂᐊᕐᓗᑎᒃ ᑕᕝᕙᓂ. ᑎᓕᐅᕆᕗᒍᑦ ᐃᓘᓐᓇᑎᒃ ᐃᓄᓕᕆᕙᑦᑐᑦ ᐊᒻᒪᓗ ᐃᑲᔪᖅᑎᐅᕙᑦᑐᑦ ᐃᖅᑲᓇᐃᔭᖅᑏᑦ ᑖᔅᓱᒥᖓ ᐃᓕᓐᓂᐊᕈᑎᖃᖃᑦᑕᖁᓪᓗᒋᑦ, ᐃᑲᔪᖅᑎᐅᓂᕐᒥᒃ ᑎᑎᖅᑭᕆᔨᐅᓂᕐᒧᑦ ᑎᑭᐅᒪᔪᓂᑦ, ᐊᒻᒪᓗᑦᑕᐅᖅ ᐱᓯᒪᑦᑎᔨᐅᕙᑦᑐᑦ. ᑎᓕᐅᕆᒻᒥᔪᒍᑦ ᐃᓚᓕᐅᔾᔨᓯᒪᖃᑦᑕᖁᒐᔭᖅᑐᒋᑦ ᑖᔅᓱᒥᖓ ᐃᓕᓐᓂᐊᕈᒻᒥᑦ ᐃᓄᐃᑦ ᐃᓕᖅᑯᓯᓕᕆᓂᕐᒥᑦ ᐃᓕᓐᓂᐊᑎᑦᑎᔾᔪᑎᒋᓲᖏᓐᓂᒃ ᐊᑐᖅᑕᐅᓲᓂᑦ ᓇᓪᓕᐊᒍᑐᐃᓐᓇᖅ ᐱᓕᕆᕕᑦᑎᒍᑦ ᓄᓇᕗᒥ, ᐃᓚᒋᔭᐅᓪᓗᑎᒃ ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᑦ.
ᖃᓄᖅ ᐊᔾᔨᐅᖏᓐᓂᖃᖅᑲ ᑖᓐᓇ ᐃᓕᓐᓂᐊᕈᑦ?
ᐱᔾᔪᑎᒋᓪᓗᒍ ᐃᑉᐱᓐᓇᓗᐊᕐᓂᖓ ᑕᒪᑐᒪ ᐱᔾᔪᑕᐅᔫᑉ ᐊᒻᒪᓗ ᐊᒥᓱᐊᓘᖃᑦᑕᕐᓂᖏᓐᓄᑦ ᓇᒻᒥᓂᖅ−ᐋᓐᓂᐸᑦᑐᑦ ᐃᓅᓱᑦᑐᐃᑦ ᐅᐊᓐᓇᖓᓂ ᐊᒥᐊᓕᒐᕐᒥᐅᓂᑦ, ᐃᓕᓐᓂᐊᕈᑦ ᐋᖅᑭᓱᖅᑕᐅᓯᒪᒻᒪᑦ ᐃᓕᓐᓂᐊᖅᑐᑦ ᐱᓕᕆᔾᔪᑎᔅᓴᖃᕈᓐᓇᖁᓪᓗᒋᑦ ᐃᑲᔪᖃᑦᑕᓂᕐᒧᑦ ᑭᒃᑯᑐᐃᓐᓇᕐᓂᑦ ᐃᓱᒪᖃᑐᐃᓐᓇᕆᐊᓕᓐᓂᑦ ᐅᕝᕙᓘᓐᓃᑦ ᓇᒻᒥᓂᖅ−ᐋᓐᓂᕐᓱᖅᑐᑎᒃ ᖃᓄᐃᓕᐅᕐᐸᑦᑐᓂᑦ. ᐃᓕᓐᓂᐊᖅᑐᑦ ᐃᓕᓐᓂᐊᓂᐊᖅᑐᑦ ᖃᓄᖅ ᓇᒻᒥᓂᖅ−ᐋᓐᓂᖃᑦᑕᕐᓂᖅ ᑐᑭᖃᕐᒪᖔᖅ ᐊᒻᒪᓗ ᖃᓄᖅ ᑕᐃᒪᐃᑦᑑᖏᒻᒪᖔᖅ, ᐅᔾᔨᓇᕐᓯᒍᑎᒋᓲᖏᑦ ᓇᒻᒥᓂᖅ−ᐋᓐᓂᖃᑦᑕᕐᓂᖅ, ᐊᒻᒪᓗ ᖃᓄᖅ ᓇᒻᒥᓂᖅ−ᐋᓐᓂᐊᖃᑦᑕᕐᓂᖏᑦ ᓴᖅᑭᓲᖑᒻᒪᖔᑕ ᐊᑑᑎᕕᐅᔪᓂᑦ ᑭᒃᑯᑐᐃᓐᓇᕐᓂᑦ. ᐃᓕᓐᓂᐊᖅᑐᑦ ᐃᓕᓐᓂᐊᓂᐊᕐᒥᔪᑦ ᑭᒃᑯᑦ ᓇᒻᒥᓂᖅ−ᐋᓐᓂᖃᑦᑕᓲᖑᒻᒪᖔᑕ ᓱᒻᒪᐅᒻᒪᖔᕐᓗ, ᖃᓄᖅ ᐃᑲᔪᕆᐊᕐᕕᓴᐅᒻᒪᖔᖅ ᑭᒃᑯᑐᐃᓐᓇᕐᓂᑦ ᓇᒻᒥᓂᖅ−ᐋᓐᓂᕐᓱᕐᐸᑦᑐᓂᑦ, ᐊᒻᒪᓗ ᖃᓄᐃᓕᐅᕆᐊᖃᕐᒪᖔᖅ ᓇᒻᒥᓂᖅ−ᐋᓐᓂᓱᕐᐸᑦᑐᓂᑦ ᓯᐊᒻᒪᐸᓪᓕᐊᑎᓪᓗᒍ.
ᐃᓕᓐᓂᐊᓂᕐᒥ ᐱᓕᕆᓂᐅᕙᑦᑐᖅ ᐊᑐᖅᑕᐅᕙᑦᑐᓪᓗ:
ᒪᕐᕉᓐᓂᒃ−ᐃᑲᕐᕌᓐᓂᒃ ᐱᓕᕆᖃᑎᒌᒍᑕᐅᓪᓗᓂ ᐃᓕᓐᓂᐊᕈᑦ ᒪᑯᓂᖓ ᐊᑐᕈᑕᐅᓲᖅ ᐃᓕᓴᐃᓪᓗᑎᒃ ᐃᓕᓐᓂᐊᑎᑦᑎᒍᑕᐅᕙᑦᑐᓂᑦ ᐊᒥᓲᙱᑦᑐᓂᑦ ᐊᒥᓱᓂᓪᓗ ᑲᑎᒻᒪᔪᓂᑦ ᐅᖃᖃᑎᒌᒍᑕᐅᕙᑦᑐᓂ. ᐃᓕᓐᓂᐊᖅᑐᑦ ᑐᓂᓯᐅᖅᑲᖅᑕᐅᓲᑦ ᐃᑲᔫᑎᖃᕐᓂᐊᖅᑐᓂᑦ ᐃᓕᓐᓂᐊᖅᑕᖏᓐᓄᑦ ᐊᒻᒪᓗ ᑕᐃᔭᐅᓯᒪᔪᓂᑦ ᐊᑐᕈᓐᓇᖅᑕᖏᓐᓂᒃ ᑐᑭᓯᒃᑲᓂᕐᕕᔅᓴᓂᑦ ᐃᓅᓱᑦᑐᐃᑦ ᓇᒻᒥᓂᖅ−ᐋᓐᓂᐸᑦᑐᑦ ᒥᔅᓵᓄᑦ.
ᐊᑯᓂᐅᑎᒋᓂᖓ:
4 ᐃᑲᕐᕋᑦ
ᐅᖃᐅᓰᑦ:
ᖃᓪᓗᓈᑎᑐᑦ (ᑐᓵᔨᔅᓴᖅᑕᓕᒃ)
ᐃᓕᓐᓂᐊᖃᑕᐅᒐᔭᖅᑐᑦ:
ᖃᑦᑏᓐᓇᐅᓂᕐᐹᕆᓗᒋᑦ 10-20 ᐃᓕᓐᓂᐊᖅᑐᑦ
ᐊᑭᖓ:
ᐊᑭᖃᙱᑦᑐᖅ
ᐃᓕᓐᓂᐊᑎᑦᑎᔪᑦ ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᑦ
ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᒃᑯᓐᓂᑦ ᓇᓗᓇᐃᒃᑯᑕᓖᑦ ᐃᓕᓴᐃᔩᑦ
More Training Opportunities
ᐊᑐᖅᑕᐅᕙᑦᑐᓂᑦ ᐃᓅᓯᕐᒥᒃ ᑭᐱᓯᔭᕆᐊᔅᓴᖅ ᐃᓱᒪᔪᓂᑦ ᐃᑲᔫᑎᐅᕙᑦᑐᓂᑦ ᐃᓕᓐᓂᐊᑎᑦᑎᓂᖅ
ASIST is a crisis intervention training developed by Living Works, with the goal of equipping participants to respond competently to individuals at risk of suicide.
ᐃᓅᓯᖅ ᐱᒻᒪᕆᐅᔪᖅ
Inuusiq Pimmariujuq is a comprehensive community strategic planning tool, combining post-contact Inuit history with a workshop aimed at developing a community action plan for suicide prevention and life affirmation.
ᐃᑉᐱᒍᓱᑦᑎᐊᓂᕐᒥᒃ ᐃᓕᓐᓂᐊᕐᓂᖅ
Mindfulness is a half-day workshop designed to meet the needs of mental health practitioners, educators, and other helping professionals who want to incorporate mindfulness skills into their work.